صدر هذا العطر عام ٢٠٢٥ من دار عطور النيش الكويتية زار، من توقيع صانع العطور لوكا مافي.
عطر أنيق، طبيعي، وجريء بدون ما يكون ثقيل.
بيمزج بين نظافة الأعشاب، دفء الأخشاب ونضارة الحمضيات.
من أول رشة بتشمو ريحة الهيل والزنجبيل والبرغموت والفلفل التيموري، رائحة حارة منعشة بنفس الوقت، الافتتاحية قوية وملفتة بتجذب الانتباه، بعد شوي بتبلش تظهر ريحة عشبية بشكل لطيف ومتناغم، بتحسو بشعور نظافة وفخامة بنفس الوقت.
القاعدة خشبية طحلبية، بتحسو وكأنكم داخلين غابة بعد المطر، وبتفوح منها ريحة الأخشاب وأوراق الشجر والتربة المبللة، ريحة عميقة، هادية ومريحة، وبنفس الوقت معطية العطر رونق وجاذبية خاصة.
اللي رح يختار هالعطر اكيد رح يكون صاحب حضور مميز ما بينتسى.
مقدمة العطر: البارغموت، الزنجبيل، فلفل تيمور والهيل.
قلب العطر: البيتيتغرين، البابونج، الياسمين والميرمية.
قاعدة العطر: أخشاب الأرز، الغالبانوم، نجيل الهند وطحلب البلوط.
بالنسبة الي حسيت العطر رجالي رغم انه للجنسين بس هيك كان رأيي، بشوف انو قوي شوي على انو يكون نسائي، ومع هيك في بنات ممكن بحبو هاي الروائح.
مناسب للاستخدام اليومي، مناسب برضو للسهرات، بنقدر نعتبرو ربيعي صيفي لأنو في نوتات خضرا منعشة.
